وحشانى دروب البوابه
...........................
من غيرك عايش فى كابه
ممسوكه فى قلبى ومتسابه
انا غارز جدرى فى اراضيكى
ماتقولى ايش ردك يابا
وحشانى والله البوابه
......................................
وحشانى القعده على الناصيه
من غيرك انا دنيتى ..قاسيه.....
انا فاكرك اوعى تكونى ناسيه
مكتوب لى افارقك بزياده....
الناس اللى فيكى غلابه....
وحشانى والله البوابه
..........................................
وحشنى ابويا ودكـــــــــــانه
افراحه فيكى ..واحزانه.....
سبحته وعصيته وقفطانه...
فى ترابك ياما كان يدلى..
كان نفسى اكون انا مكانه
وحشانى والله البوابه
........................................
وحشنى جدى ..وطبليته....
وهزاره وبصته من بيته
من عطفه وطيبته حبيته
ياماكنت فى حضنه بدفا
ويخش اليل نبقى فى بيته
وحشانى والله البوابه
.....................................
انا عمرى راح فيكى وولى
واتبعتر زى شوال غله...
ياما كنت بلعب واتسلى
فى ضروبك وى الاحباب
وصحابى كانوا لى شله
وحشانى والله البوابه
......................................
وحشنى درب النجارين
وعم على والحاج حسين
والهوارى وطربوش والزين
والسهولى ورجب العطار
وعم عمر بتاع السككين
وحشانى والله البوابه
.......................................
وحشانى حلاقه عم الديب
ونعاسى لما الاهه تغيب
وحسن كحول ويميش وذبيب
وكامل سعيد العجلاتى...
والمشى فى شارع كرم حبيب
وحشانى والله البوابه
.............................................
وحشانى طبونه الشيخ عياش
والعيش السخن وعيشه بلاش
والايد الوحده مانستغناش....
اه كله اتغير كله مافيش....
انا حفضل فاكر ماحننساش
وحشانى والله البوابه
..................................................
وحشانى والله يابوابه
وتعبنى غدرك يا ديابه
صبحت سكانك كدابه
بتغير كسمك وتاريخك
و تتحولى فى عينى ميت غابه
وحشانى والله يا بوابه
.................................
وحشانى لما بتغندر
واجيب كراستى من اسكندر
والفول النابت من عنتر
يقبلنى فكرى الجزماتى
يدينى جواب جه من البندر
وحشانى والله يابوابه
..................................
اصبح على عمى صليب
من ناجى اجيب كيلو حليب
واجيب الفينو من عبد الله
يقبلنى شحات لله
اديله وانا كلى طيابه
وحشانى ضروب البوابه
.................................
جاربتنا جامع وكنيسه
مارى جرس والست نفيسه
بطرس للاله الكاتبه.....
سافر بعد التفليسه
وحشانى والله يا بوابه
.............................
سينما شريف وقهوه نصار
بتشغى زباين ليل ونهار
قلبوها دكاكين من نار
اتفننوا فيها الهليبه
وحشانى والله يا بوابه
...................................
النزه وحسن اللبان
فول طعميه وزيت حران
والسمكه المقلى على الناصيه
قرب للاكل يا جوعان
وحشانى والله يا بوابه
...........................
النهضه وشارع ابو الليف
والمندره ومهنته شيف
متنقى فوله وبيتسوى
على سن النار بدون تكليف
وحشانى والله البوابه
........................................
.........................................................................
الى شارع (البوابه) مسقط راسى والى كل شوارع الحى القبلى التى حولها العمار الى مسخ وسرق طفولتنا فجعلنا نقف امام هذا العمار وكانه استعمار رخيص غير معالمنا وشوه طفولتنا ..حتى لا نحكى لاولادنا عن اماكن تلقت طفولتنا بكل حنو الاب ورافه الامومه لنا الله
الكاتب
ماجد ماهر
شاهد المزيد
الشاعر الكبير عبد الرحمن الأبنودى قصيدة عدى النهار
كلمات رقيقه
رومانسيات جديده